పాటలు సోయి | 07 జూన్ 2007 05:33 pm
ఎన్నాళ్ళీ కన్నీళ్ళు
-సిహెచ్. రమణాచారి
ఏన్నాళ్ళీ కన్నీళ్ళు
ఏన్నాళ్ళీ కష్టాలు - 2
ఆంధ్ర వలస దోపిడిలో
అణగారిన బ్రతుకులు
మన తెలంగాణ బ్రతుకులు - 2
నదులున్నా గనులున్నా తరగని వనరులు వున్నా
సాగునీరు కరెంటుకు ఎప్పుడు కరువేనన్నా
తరలిపోతున్నవి మన సహజ వనరులన్నా
అప్పుల పాలై రైతులు ఆత్మహత్యలు మనకన్నా ||ఎన్నాళ్ళీ||
అగ్గిపెట్టెలో పట్టు చీరనేయు నేతన్నలు
మిల్లులన్ని మూతబడి బతుకులు బజార్లపడి
ఆలు బిడ్డల సాదలేక అలమటించు తున్నారు
నిరాశతో నిస్పృహతో ఉరిపోసుకు చస్తున్నరు ||ఎన్నాళ్ళీ||
చదువుకున్న పోరగాండ్లు పనికరువై తిరుగుతుండ్రు
బ్రతుకు దెరువు దారిలేక ఆగమాగమవుతున్నరు
మరి కొందరు దొంగలయ్యి నేరాలను చేస్తున్నారు
కన్న వాళ్ళ కడుపుకోత ఇదియేనా మన బ్రతుకురాత ||ఎన్నాళ్ళీ||
ఒప్పందాలు నిబంధనలు అంతా వట్టి బూటకాలు
ఆరొందల పది జీవో పాలకుల నాటకాలు
కంట తడిని ఒత్తుకొని బిగి పిడికిలి ఎత్తుకొని
ప్రజాస్వామ్య తెలంగాణ సాధనకై కదులుదాం.
