పాటలు సోయి | 07 జూన్ 2007 04:01 pm
కన్నతల్లి తెలంగాణ
- మందుల సైదులు
కన్నతల్లి తెలంగాణ కమ్మని ప్రాణం
ననుగన్న నా తల్లి అమృతభాండం
కృష్ణా గోదావరి గలగల సంగీతము
అలరించి మరిపించే అమృతగీతం
సిరులెన్నో కురిపించే ఈ నేల తల్లి
ముక్కోటి రతనాల నా తెలంగాణ ||కన్నతల్లి||
కాకతీయ రాజుల ఆ కమ్మని పాలనలో
రతనాల రాశులతో రాజిల్లె నా తల్లి
రెడ్డి వెలమ యాదవ నవాబుల కాలంలో
పచ్చాని పైరులతో విరబూసిన మాగాణి
తరతరాల చరితను చాటే
కమనీయ కట్టడాల తోరణి నా తల్లి ||కన్నతల్లి||
సమ్మక్క సారక్క రాణి రుద్రమల రణస్థలి క్షేత్రం
కొమరం భీం ఘర్జించిన గోండు ప్రదేశము
తెలంగాణ ఉద్యమాన తెగువతో పోరాడి
అమరులైన వీరుల గన్న సమరభేరి ఈ నేల
ఎన్నెన్నో పోరాట చరితల నిలయము
ననుగన్న తెలంగాణ ఉద్యమ వేదము ||కన్నతల్లి||
