కవితలు సోయి | 07 జూన్ 2007 06:38 pm
వలస దోపిడి
- ఆర్. చందా
పొట్టి శ్రీరాములు పేరు జెప్పినరు
విశాలాంధ్ర నేర్పాటు జేసినరు
ఇత్తుదెచ్చినరు పొత్తు గూడినరు
మిగులు నిధులను మింగివేసినరు
తమ ప్రాంతాలభివృదిజేసినరు
మంత్రి పదవులను కొట్టేసినరు
సచివాలయమును ఆక్రమించినరు
కొత్త, కొత్త చట్టాలు జేసినరు
ఉద్యోగాలను దొబ్బివేసినరు
లంచాలు గొట్టి కూడబెట్టినరు
అగ్గువకూ మన భూములు గొన్నరు
కంపెనీలను కట్టుకున్నరు
వాళ్ళ వాళ్ళకే ఇచ్చుకున్నరు
తమ పనివాళ్ళను తెచ్చుకున్నరు
తెలంగాణులకు తెడ్డుజూపినరు
జర్రున జారే రోడ్లు వేసినరు
తాగి తూగుటకు సారబోసినరు
తెలంగాణనే తెర్లు జేసినరు
మన ఆచారం మంటగలిపినరు
వాళ్ళవన్ని మనమీద రుద్దినరు
ప్రాజెక్టులను కట్టివేసినరు
పారేనదులను ఆపివేసినరు
సాగునీళ్ళనూ దోచుకున్నరు
మంచినీళ్ళనూ మలుపుకున్నరు
మినరల్ వాటర్ మనకు అమ్మినరు
విద్యాసంస్థలు పెట్టివేసినరు
కళాశాలలను కట్టేసినరు
విద్యను డబ్బుకు అమ్మివేసినరు
సీట్లనెన్నిటినో కొట్టేసినరు
మనలను బయటికి నెట్టేసినరు
ఆసుపత్రులను కట్టివేసినరు
ఫీజులనన్నీ పెంచివేసినరు
గద్దెనెక్కి అధికార్లు ఐనరు
నోట్లు పంచి మన ఓట్లు గుంజినరు
మన ఆరోగ్యం మంట్ల గలిపినరు
భవంతులెన్నో కట్టుకున్నరు
భాగ్యమంత మరి పోగుజేసినరు
ధన, ధాన్యాలతో తూగుతున్నరు
రాజభోగముల దేలుతున్నరు
